Ξ Gennaro Agrillo » Viento ‘e mare » Vient’ ‘e mare
di Massimo Mollo
(esegue “Rua Port’Alba)
Vient”e mare, vient”e mare
scioscia scioscia senza pietà
vient”e mare arrossa ‘o cielo
sciacqua ll’aria, nun te ferma’
nun te mettere appaura
ca nisciuno te pò ferma’
puort”e lagreme d”o mare
famme chiagnere cu’ tte
vient”e mare arap’o cielo
mann’o sole ‘nfaccia a me
puorta all’Africa ll’addore
aiza l’onne annanz’a te
comme si facisse ‘ammore
accarezzam’a Maria
va! e pulezza Maruchiaru
‘a chi magna ‘a vita mia
vient”e mare asciutta ‘e panne
asciutta pure a capa mia
sosciame ‘a faccia ‘a paura
lieva ‘a ll’uocchie ‘a pecundria
votta forte ‘e marenare
ma nunn’e fa’ male maie
aiza ‘e nave americane
‘ncopp’e scuoglie fall’affunna’
Terra
terra ‘e dulure ca nun siente
terra ‘e culure scagnato
terra ‘e zoccole vecchie,
cecate e affamate
comm’a chi ce magna ‘a vita
Terra ‘e pioggia ca ‘nfonne
ma nun lava
terra ‘e sole c’abbrucia
ma nun scarfa
terra ca maie n’aviste schiavi
ne padrune
e schiava si’
pecchè si’ bella
Terra.